رجاء الحفاظ على حقوق الموقع عند نشر الصور

بواسطة Joy عضوة بمنتدى هاني حسين

هاى يا جماعة
انا لسه راجعة من الحفلة حالا و رغم انى تعبانة موت لكن قولت لازم احكيلكوا عليها اقل كلمة اوصف بيه الحفلة انها تحفة ،تجنن ،ما حصلتش.
للاسف ما فيش صور لانى نسيت حجارة الكاميرا فى الشاحن واخدتها من غير حجارة
المهم الحفلة قدمتها مذيعة القناة الاولى المصرية عواطف أبو السعود
و بدأت الساعة 8:15pm ب D.J ثم حوالى الساعة 9:00pm قدمت المذيعة مفاجأة الحفل الفنان مدحت صالح و غنى 3 اغنيات منهم انا مش بعيد واغنيتين من شريطه الأخير
و طول الوقت كان الجمهور بيقول هانى هانى حتى لما كان مدحت صالح بيغنى
و على فكرة الحفلة كانت زحمة موت اعداد مهولة من البشر بنات و شباب و اطفال و امهات و الحفلة كانت منظمة جدا جدا
المهم الساعة 9:30 تقريبا و بعد مدحت صالح و اخيرا بعد طول انتظار بدأت الحفلة الحقيقية و بدات موسيقى اغنية مشينا و الحفلة ولعت و ظهر ال dancers ثم دخول الطلاب لا طلاب اية النجوم و زادت الولعة و كانت اغنية مسيناكم موصولة مع مشينا
و بعد ما خلصت الاغنية تصفيق حار من الجمهور و صريخ من البنات و كل الناس بتقول هانى حتى الكبار و خرج الطلاب ما عدا هانى طبعا اللى وقف يكلم الجمهور ويقول لهم :
انتوا عارفين انتوا فارحانين ليه؟ عشان انا معاكم يا اغلى الناس . بحبكواااااااااا
يا رب تكون حفلة حلوة معاكم انا و نجوم ستار اكاديمى 3
و طبعا صريخ غير طبيعى من الجمهور و كله بيقول هانى
ثم دخل جوزيف و غنى وينك و الجمهور شجعه و سقفوا معاه و اول ما خلص شكر الجمهور و قال i love eygpt و بعدين الناس رجعت تقول هانى هانى
ثم غنى جوزيف و هانى و فادى و خليفة اغنية عندك بحرية يا ريس
ثم هناء و هانى حبيتك بالصيف
و بعدها opsss نسيت الترتيب مش مهم
المهم الاغانى كانت :
سيف المراجل ( هانى و فادى و جوزيف و شيما )
حبيبى يا اللى ناسينى ( هانى)
ميدلى عايشة و we will rock you و sway (وجدى و فادى و مايا )
رقصة batman (مايا )
i wanna be loved by you و يا حبيبى تعالا (مايا و هناء)
ويلى (خليفة)
سهر الليالى (كل الطلاب)
سهرتنا ع دراج الورد ( كل الطلاب)
cow boys tableau (هانى و مايا و فادى )
ميدلى يا هوى روح و قله و جن الهوى و يا حبيبى قرب ليا (خليفة و جوزيف و هانى )
سهران معاكى الليلة ( فادى)
انت اية ( هناء)
التنورة (جوزيف)
وجدى و مايا غنوا اغنية french مش فاكرة اسمها كان غناها مع ريم من قبل
راقية غنت اغنية لشرين عبد الوهاب
شيما غنت اغنية لذكرى
وطبعا طبعا اشهر اغنية لولو اللى كان الجمهور اصلا بيغنيها لوحده قبل صعودهم على المسرح
و طبعا ولعت الدنيا اكتر ما كانت والعة لما غنوا لولو
و خليفة بين اغيته و اغنية راقية شكر الجمهور و قال لهم :
تحية لاحفاد الفراعنة و اللى ما بيحب مصر نقوله كف على .......... فرد الجمهور على ويهك
و فادى ايضاشكر الجمهور و قال i love eygpt
و كذللك وجدى و شيما و هناء و راقية شكروا الجمهور و تمنوا لهم سهرة سعيدة


أحلى حاجة فى الحفلة ان هانى اول ما طلع على المسرح لوحده قبل اغنية حبيبى يا اللى ناسينى احنا غنينا له HAPPY BIRTHDAY TO YOU و كان فى منتهى السعادة وشكر الناس كلها و قال لهم ربنا يخليكوا ليا


آه بالمناسبة اخوات هانى دينا و نورا كانوا فى الحفل بين الجمهور وكنت واقفة جنبهم على فكرة هما الاثنين زى القمر وكانوا بيتكلموا مع النس اللى حواليهم عادى جدا و بالذات دينا انا كلمتها و اديتها كارت handmade انا اللى عاملة مخصوص لهانى و قلتلها تقول له كل سنة و هو طيب يا رب تفتكر و تديه له
وكان مع دينا و نورا مجموعة صغيرة من الاصدقاء و الاقارب و طنط فيفيان كمان كانت موجودة بس كانت قاعدة جنب المسرح بعيد عن الزحمة وكان معاها تقريبا اختها او حد قريبها لانهم شبه بعض جدا
بجد بجد الحفلة كانت حلوة موت والجمهور شجع كل الطلبة رغم ان الهتاف كان لهانى مستمر و لا ينقطع و البوسترات كانت مالية الدنيا
والطلاب شكلهم على الطبعة احلى كتير من ال TV
حتى هانى اللى هو اصلا زى القمر شكله يجنن على الطبيعة و احلى حاجة انى عملت لهانى قلب بايدى لما بص عندى و هو رد ببوسة تجنن يا هانى
يارب اكون وصفت الحفلة كويس لكل اللى ما قدرش يحضرها